Identità veneta: dopo il 25 aprile, anche S.Marco lo vedo a pericolo.

“Cioè? Un extracomunitario?”

“Zà.”

“E non gh’aveva la citadinansa?”

“Ma figurite!”

“E da nialtri, come el xé rivà?”

“Uh, i soliti maneggi..sarà stada la Caritas… i ghe gh’aveva trovà un lavoreto de comodo, in basilica, ad Aquileia…”

“‘Sti stronsi…fusse par lori, tutti a casa nostra li portaria, i foresti… e dopo?”

“Eh, ma dopo i lo gh’ha parà via, el g’ha dovesto tornar dai sui…”

“In Africa?”

“In Egito.”

“Ostrega, manco mal… ma come xé che el xé tornà qua ancora?”

“Eh, figurarse… i sé come i sorzi, i se imbusa dapartuto! I lo g’ha sconto dentro ‘na zesta de carne de porco. I doganieri no g’ha miga vardà ben e eccolo là, el xé tornà qua da nialtri!”

“So amia! E nialtri li mantenimo tutti, a la fin fine!”

“E ciò. E nialtri paghemo!”

“E i lo venera, adesso, quasi ch’el fusse un santo!”

“Eco, come se ne ghe ne fusse de nostri, da cantarghe mesa sui altari!”

“Zà. Poareti i nostri, che li xé sempre tengui indrio, mentre ‘sti foresti i va vanti…”

“Ma secondo ti i ghe lo g’ha dito, a Zaia e ai sui, che S.Marco el giera un extracomunitario imboscà?”